Ardaloedd Tirwedd Hanesyddol
HLCA001 Craidd Trefol Blaenafon
Anheddiad trefol yn dyddio o'r bedwaredd ganrif ar bymtheg a gysylltir â datblygiad gwaith haearn Blaenafon a diwydiannau cloddio cysylltiedig. Nodweddir yr amgylchedd adeiledig yn bennaf gan dai teras diwydiannol a phatrwm strydoedd cynlluniedig ag adeiladau dinesig cysylltiedig, capeli a chraidd masnachol; cysylltiadau hanesyddol pwysig.Nôl i'r map
Cliclwch yma I gael map o'r ardal cymeriad hon
HLCA 002 Estyniad Trefol Blaenafon
Anheddiad trefol yn dyddio o ddiwedd y bedwaredd ganrif ar bymtheg a'r ugeinfed ganrif, wedi'i gynllunio er bod rhywfaint o ddatblygiad organig cynnar. Tai dosbarth canol mawr, tai teras a chyngor modern. Tirwedd amaethyddol weddilliol.Nôl i'r map
Cliclwch yma I gael map o'r ardal cymeriad hon
HLCA 003 Glantorfaen
Ardal a nodweddir gan anheddiad clwstwr bach o resi diwydiannol ar wahân. Nodweddion trafnidiaeth a chyfathrebu, gan gynnwys rheilffordd ddiwydiannol a chyhoeddus, rhwydwaith tramffyrdd, ffyrdd, llwybrau troed a lonydd. Tirwedd amaethyddol weddilliol.Nôl i'r map
Cliclwch yma I gael map o'r ardal cymeriad hon
HLCA004 Tirwedd Amgaeëdig Coety
Ardal a nodweddir gan dirwedd amaethyddol amgaeëdig ac aneddiadau cynddiwydiannol sy'n dyddio o bosibl o'r cyfnod canoloesol. Patrwm caeau datblygedig/afreolaidd creiriol gan mwyaf. Ffiniau caeau traddodiadol. Strwythurau domestig ac adeiladau amaethyddol. Nodweddion rheoli dwr.Nôl i'r map
Cliclwch yma I gael map o'r ardal cymeriad hon
HLCA 005 Forgeside a Phwll Mawr
Tirwedd ddiwydiannol greiriol a nodweddir gan weithgarwch prosesu diwydiannol yn dyddio o'r bedwaredd ganrif ar bymtheg, a gweithgarwch cloddio a thomenni gwastraff cysylltiedig; lefelydd gwaith glo Pwll Mawr a hen safle gwaith haearn diweddarach Blaenafon. Yn cynnwys o bosibl olion claddedig nodweddion yn gysylltiedig â gwaith haearn Blaenafon. Cysylltiadau trafnidiaeth pwysig: rheilffordd a thramffordd. Nodweddion rheoli dwr. Digwyddiadau a phobl hanesyddol yn gysylltiedig â'r ardal.Nôl i'r map
Cliclwch yma I gael map o'r ardal cymeriad hon
HLCA 006 Gwaith Haearn Blaenafon ac Upper Brick Yard
Ardal prosesu a chloddio diwydiannol o bwys rhyngwladol (gan gynnwys tomenni gwastraff). Cysylltiadau trafnidiaeth ddiwydiannol o bwysigrwydd cenedlaethol (rhwydwaith tramffyrdd). Tai diwydiannol nodweddiadol. Cysylltiadau hanesyddol.Nôl i'r map
Cliclwch yma I gael map o'r ardal cymeriad hon
HLCA 007 Llynnoedd Garn (Cynllun Adfer Kay a Kears)
Tirwedd gloddiol ddiwydiannol gynt, a nodweddir yn bennaf erbyn hyn gan dir a adferwyd a gwarchodfa natur wlyptir; nodweddion rheoli dwr. Fe'i nodweddir hefyd gan olion aneddiadau diwydiannol ac amaethyddol cynddiwydiannol claddedig.Nôl i'r map
Cliclwch yma I gael map o'r ardal cymeriad hon
HLCA 008 GCoridor Trafnidiaeth Garn-yr-Erw
Coridor trafnidiaeth â rheilffyrdd diwydiannol a chyhoeddus, rhwydwaith tramffyrdd, llwybrau a lonydd. Gwasgariad o resi a bythynnod diwydiannol, ac eglwys ac ysgol, yng Ngarn-yr-Erw. Tirwedd amaethyddol ôl-ddiwydiannol gweddilliol a gweithgarwch cloddio ar raddfa fach.Nôl i'r map
Cliclwch yma I gael map o'r ardal cymeriad hon
HLCA 009 Ardal Gloddio Cefn Garnyrerw a Phen-ffordd-goch
Tirwedd ddiwydiannol greiriol a ddisgrifir fel tir comin ucheldirol agored a'r brif ardal gloddio gynnar ym Mlaenafon ar gyfer glo, mwyn haearn, clai tân a chalchfaen. Rhwydweithiau a nodweddion trafnidiaeth pwysig a systemau rheoli dwr dwys. Nodweddion tresmasu yn dyddio o'r cyfnod ôl-ganoloesol.Nôl i'r map
Cliclwch yma I gael map o'r ardal cymeriad hon
HLCA 010 Tomenni Canada a Blaen Pig
Tirwedd gloddiol a nodweddir yn bennaf gan weithfeydd mwyngloddio brig a thomenni gwastraff yn dyddio o'r Ail Ryfel Byd. Nodweddion cloddio diwydiannol yn dyddio o'r bedwaredd ganrif ar bymtheg sy'n gysylltiedig â gweithgarwch chwarelu a chloddio. Cysylltiadau hanesyddol.Nôl i'r map
Cliclwch yma I gael map o'r ardal cymeriad hon
HLCA 011 Y Blorens a Bryn Gilwern
Tirwedd ucheldirol gloddiol ddiwydiannol greiriol sy'n gysylltiedig yn bennaf â gweithgarwch cloddio am galchfaen. Mae nodweddion pwysig eraill yn cynnwys rhwydweithiau trafnidiaeth a gweithgarwch prosesu metel. Nodweddir yr ardal hefyd gan aneddiadau diwydiannol creiriol, a arferai gynnwys rhesi unigol o fewn grwpiau ar wahân, a chan weithgarwch tresmasu yn dyddio o'r cyfnod Ôl-ganoloesol a nodweddion angladdol/defodol Cynhanesyddol.Nôl i'r map
Cliclwch yma I gael map o'r ardal cymeriad hon
HLCA 012 Anheddiad Forgeside
Ardal breswyl ddiwydiannol a ddisgrifir fel anheddiad cwmni bach, cryno â chynllun grid rheolaidd sy'n gysylltiedig â datblygiad gwaith haearn diweddarach Blaenafon yn Forgeside yn ogystal â Phwll Mawr a phyllau glo eraill. Tai teras diwydiannol a datblygiad ar ffurf ystâd tai cyngor yn dyddio o'r ugeinfed ganrif.Nôl i'r map
Cliclwch yma I gael map o'r ardal cymeriad hon
HLCA 013 Cwm Llanwenarth a Chwm Craf
Tirwedd amaethyddol amgaeëdig yn cynnwys patrwm caeau datblygedig, afreolaidd a ffiniau caeau traddodiadol ac adeiladau brodorol nodweddiadol: ffermdy a bythynnod wedi'u hadeiladu o gerrig. Lleiniau gwasgaredig o goetir hynafol a rhai coedwigoedd a blannwyd. Mae'r brif nodwedd ddiwydiannol yn ymwneud â rhwydweithiau trafnidiaeth. Cysylltiadau hanesyddol.Nôl i'r map
Cliclwch yma I gael map o'r ardal cymeriad hon
HLCA 014 Gofilon
Anheddiad glan camlas bach a nodweddir gan dai domestig, yn amrywio o ran dyddiad o'r ail ganrif ar bymtheg i'r ugeinfed ganrif, adeiladau brodorol, tai diwydiannol a chymdeithasol. Trafnidiaeth/cyfathrebu diwydiannol: yn gysylltiedig â'r gamlas a'r lanfa. Mae nodweddion eraill yn cynnwys nodweddion prosesu diwydiannol ac amaethyddol hy melino.Nôl i'r map
Cliclwch yma I gael map o'r ardal cymeriad hon
HLCA 015 Llan-ffwyst
Anheddiad gwledig bach: anheddiad strimynnog yn dyddio o'r bedwaredd ganrif ar bymtheg ac ystadau cynlluniedig yn dyddio o'r ugeinfed ganrif. Amrywiaeth o dai domestig, adeiladau brodorol, tai diwydiannol a chymdeithasol. Rhwydweithiau trafnidiaeth yn cynnwys ffordd a chysylltiadau â Glanfa Llan-ffwyst a'r gamlas (HLCA013). Mân nodweddion prosesu diwydiannol.Nôl i'r map
Cliclwch yma I gael map o'r ardal cymeriad hon
HLCA 016 Cwm-mawr a Choed-y-Prior
Ardal a ddisgrifir fel tirwedd amaethyddol amgaeëdig sy'n cynnwys ffermdai a bythynnod nodweddiadol a adeiladwyd o gerrig. Mae nodweddion cysylltiadau yn cynnwys Camlas Sir Fynwy ac Aberhonddu. Coetir hynafol a choetir arall.Nôl i'r map
Cliclwch yma I gael map o'r ardal cymeriad hon
HLCA 017 Mynydd y Garn-fawr
Tirwedd ucheldirol agored a nodweddir gan nodweddion angladdol/defodol cynhanesyddol a gweithgarwch pori da byw. Nodweddion diwydiannol dibwys iawn sy'n cynnwys yn bennaf cerrig terfyn.Nôl i'r map
Cliclwch yma I gael map o'r ardal cymeriad hon
HLCA 018 Coridor Trafnidiaeth Ddiwydiannol Cwmafon
Coridor trafnidiaeth pwysig, a ddisgrifir hefyd fel enghraifft brin sydd wedi goroesi o dirwedd amaethyddol ganoloesol ac ôl-ganoloesol yn cynnwys coetir, ffermydd ôl-ganoloesol gwasgaredig, a gweithgarwch prosesu diwydiannol yng ngefail Cwmafon â thai diwydiannol cysylltiedig.Nôl i'r map
Cliclwch yma I gael map o'r ardal cymeriad hon
HLCA 019 Ardal Mwyngloddio Brig Mynydd y Farteg
Tirwedd gloddiol a nodweddir yn bennaf gan weithfeydd mwyngloddio brig a thomenni gwastraff modern. Arferai nodweddion gwaith cloddio diwydiannol blaenorol yn gysylltiedig â gweithgarwch chwarelu a chloddio fod yn nodweddiadol o'r ardal.Nôl i'r map
Cliclwch yma I gael map o'r ardal cymeriad hon
HLCA 020 Mynydd Coety
Tirwedd ucheldirol agored yn bennaf a nodweddir gan weithgarwch rheoli stoc amaethyddol, arwyddion terfyn a nodweddion angladdol a defodol cynhanesyddol. Mae gweithgarwch cloddio diwydiannol yn nodwedd bwysig arall o gofio'r nifer fawr o chwareli a gweithfeydd glo a arferai fod yn yr ardal. Digwyddiadau hanesyddol.Nôl i'r map
Cliclwch yma I gael map o'r ardal cymeriad hon
HLCA 021 Ystadau Diwydiannol Gorllewin Blaenafon
Ardal a nodweddir gan ystadau diwydiannol modern. Gweithfeydd glo ac adeiladau cysylltiedig, rhesi teras diwydiannol a chysylltiadau tramffyrdd oedd nodweddion amlycaf yr ardal yn y gorffennol. Olion archeolegol claddedig.Nôl i'r map